१९ असार २०८३, शुक्रबार
दार्चुलाको नौगाड गाउँपालिका– ६ धुलिगडाबाट बझाङतर्फ जाँदै गरेका ७० वर्षीय पैदलयात्री कालु जोशीको ढुङ्गाले लागेर मृत्यु भएको छ ।
उनको आज बिहान मृत्यु भएको हो ।
जिल्ला प्रहरी कार्यालय दार्चुलाका प्रहरी निरीक्षक छत्र रावतका अनुसार जोशीको घटनास्थलमै मृत्यु भएको हो ।
बाटोमा हिँडिरहेका उनीमाथि रतपडे भन्ने ठाउँमा माथिबाट खसेको ढुङ्गा लागेको प्रहरीले जनाएको छ ।
ढुङ्गाले लागेर नौगाड गाउँपालिका–६ धुलिगडाका ४५ वर्षीय प्रताप धामी घाइते भएका छन् ।
उनलाई उद्धार गरेर गोकुलेश्वर अस्पताल पठाइएको छ ।
