राजावादीको आन्दोलनबाट राप्रपा नेपालका अध्यक्ष कमल थापा पक्राउ परेका छन् ।

काठमाडौंको नारायण चौर नक्सालमा आइतबार भएको प्रदर्शनबाट थापालाई प्रहरीले पक्राउ गरेको हो ।

निषेधित क्षेत्र तोड्न खोजेपछि थापा पक्राउ परेका हुन् ।

राजसंस्था पुनःस्थापनाका लागि भन्दै राजावादीले बिहीबारदेखि राजधानी केन्द्रित प्रदर्शन गरिरहेका छन् ।

शनिबार दरबारमार्ग क्षेत्रमा निषेधाज्ञा लगाइएपछि राजावादी समूह रत्नपार्कबाट बालुवाटारतर्फ लागेको थियो । आइतबार नारायण चौरमा भेला भएका प्रदर्शनकारी प्रधानमन्त्री निवास बालुवाटार जाने तयारीमा थिए ।

प्रदर्शनकारी प्रहरीको घेरा तोडेर अगाडि बढ्न खोजेपछि थापा पक्राउ परेका हुन् । त्यसक्रममा प्रदर्शनकारी र प्रहरीबीच धकेलाधकेल भएको थियो ।

तस्वीरहरू