२१ असार २०८३, आइतबार
संखुवासभाको मादी नगरपालिका–९ फाविङस्थित पिलुवा खोलामा पौडी खेल्ने क्रममा डुबेर एक बालिकाको मृत्यु भएको छ ।
बुधबार बिहान साढे ९ बजे पिलुवा खोलामा पौडी खेल्ने क्रममा एक बालिकाको मृत्यु भएको र एक बालिका गम्भीर घाइते भएकी हुन् ।
पौडी खेल्ने क्रममा डुबेर पाँचखपन नगरपालिका–९ घर भई चैनपुर नगरपालिका–२ नुनढाकी बस्दै आएकी अन्दाजी १३ वर्षीया समीक्षा लिम्बूको मृत्यु भएको जिल्ला प्रहरी कार्यालयका प्रहरी निरीक्षक अभिषेक श्रेष्ठले जानकारी दिए ।
पौडी खेल्न क्रममा खोलामा डुबेर १३ वर्षीया अर्की बालिका अशक्त भएकी छन् । चैनपुर–२ की दीक्षा राई गम्भीर अशक्त भएकी हुन् ।
उनको प्राथमिक स्वास्थ्य केन्द्र चैनपुरमा उपचार भइरहेको छ ।
