१६ असार २०८३, मंगलबार
प्रमुख प्रतिपक्षी नेकपा (माओवादी) केन्द्रको पदाधिकारी बैठक बसिरहेको छ।
माओवादीका उपाध्यक्ष अग्नि सापकोटाविरूद्ध सर्वोच्च अदालतले दिएको उत्प्रेषण आदेशपछि बिहीबार बिहान अध्यक्ष पुष्पकमल दाहाल ‘प्रचण्ड’ निवास खुमलटारमा माओवादीको बैठक बसेको हो ।
बैठकमा यसै विषयमा छलफल माओवादीका एक नेताले बताए। यसबारे समसामयिक राजनीतिक विषयमा पनि छलफल हुने उनको भनाइ छ ।
बुधबार सर्वोच्च अदालतले द्वन्द्वकालीन घटनमा माओवादीका उपाध्यक्ष सापकोटाविरूद्ध परेको उजुरीमाथि अनुसन्धान अघि बढाउन आदेश दिएको थियो।
प्रधानन्यायाधीश प्रकाशमान सिंह राउतसहित सपना प्रधान मल्ल, कुमार रेग्मी, मनोजकुमार शर्मा र कुमार चुँडालको संवैधानिक इजलासले उक्त आदेश जारी गरेको थियो।
सापकोटालाई काभ्रेका अर्जुन लामाको अपहरणपछि हत्या गरेको अभियोगमा रिट दायर भएको थियो ।
