११ साउन २०८३, सोमबार
नेकपा एमालेको विद्यार्थी संगठन अनेरास्ववियुको अध्यक्ष पदका लागि प्रकाश पौडेलले उम्मेदवारी दर्ता गराएका छन् ।
काठमाडौंको कीर्तिपुरमा जारी अनेरास्ववियुको २४ औं राष्ट्रिय महाधिवेशनमा उनले अध्यक्ष पदका लागि उम्मेदवारी दर्ता गराएका हुन् ।
सहमतिको प्रयास सफल भएपछि अखिलमा निर्वाचन हुन लागेको हो ।
यस्तै सचिवमा मोहन पोखरेलले उम्मेदवारी दर्ता गराएका छन् । उनले मसिना योजना र ठूला सपनासहित अनेरास्ववियुको सचिव पदमा मनोनयन दर्ता गरेको बताएका छन् ।
‘मलाई मतदान गरेबापत कहिल्यै कुनै प्रतिनिधिले शिर निहुराउन नपर्ने गरी काम गर्ने कुरामा प्रतिबद्ध छु’, पोखरेलले भनेका छन् ।
अध्यक्ष मण्डलले अध्यक्षमा डा. सुजन कडरियाको नाम अगाडि सारे पनि सहमति नभएपछि अनेरास्ववियुमा निर्वाचन पक्का भएको हो ।
भोलि बुधबार बिहान १० देखि ५ बजेसम्म निर्वाचन गर्ने कार्यतालिका सार्वजनिक गरिएको छ ।
अध्यक्षमा पौडेलसहित डा. कडरिया, दीपक धामीबीच प्रतिस्पर्धा हुन सक्ने एक नेताले जानकारी दिए ।
