२३ जेठ २०८३, शनिबार
जल तथा मौसम विज्ञान विभागले सुनसरीको धरान र तरहरा क्षेत्रमा भारी वर्षा भएको जनाएको छ ।
विभागका अनुसार पछिल्लो १ घण्टामा धरान बजार र तरहरा वर्षामापन केन्द्र र आसपासको क्षेत्रमा भारी वर्षा मापन भएको छ ।
थप वर्षा हुने सम्भावना रहेकोले सुनसरी, मोरङ जिल्ला भई बहने स-साना खोलामा बहाव बढ्न सक्ने विभागको अनुमान छ ।
विभागले तटीय क्षेत्र तथा डुबान भइरहने होचा भू-भागमा बसोबास गर्नेहरूलाई सतर्कता अपनाउन अनुरोध गरेको छ ।
