१९ असार २०८३, शुक्रबार
न्याय परिषद्को सदस्यका लागि वरिष्ठ अधिवक्ता महेश नेपालको नाम सिफारिस भएको छ । प्रधानमन्त्री केपी शर्मा ओलीले बिहीबार नेपालको नाम सिफारिस गरेका हुन् ।
न्याय परिषद् सदस्य रामप्रसाद भण्डारी आउँदो असार १० गते चार वर्षे पदावधि सकिएर अवकाश हुने भएपछि रिक्त हुने ठाउँमा नेपालको नाम सिफारिस गरिएको हो ।
नेपालको संविधानमा न्याय परिषद्मा प्रधानमन्त्रीको सिफारिसमा एक कानुनविद् सदस्य नियुक्त हुने व्यवस्था छ ।
सदस्यमा सिफारिस नेपालको नाम संसदीय सुनुवाइ प्रक्रियाका लागि बिहीबार नै प्रधानमन्त्री तथा मन्त्रिपरिषदको कार्यालयले संसद् सचिवालयमा पठाउने भएको छ ।
त्यसका लागि पत्र तयारीको काम भइरहेको प्रधानमन्त्री कार्यालयले पुष्टि गरेको छ ।
