संयुक्त राष्ट्रसंघीय शान्ति स्थापनार्थ मिसन युनाइटेड नेसन्स इन्टेरिम सेक्युरिटी फोर्स फर अबियेमा खटिएका नेपाली शान्ति सैनिकहरूको अदलीबदली भएको छ ।

सैनिक जनसम्पर्क तथा सूचना निर्देशनालयका अनुसार मिसनमा तैनाथ फोर्स हेडक्वार्टर सपोर्ट युनिट (शान्ति सेना) तेस्रो डफ्फाका ६७ जना शान्ति सैनिक सेनानी भोला कुमार कार्कीको नेतृत्वमा असार २ गते स्वदेश फर्किएका हुन् ।

यसअघि, चौथो डफ्फाका ७७ जना शान्ति सैनिकहरू प्रमुख सेनानी ज्ञानकाजी श्रेष्ठको नेतृत्वमा जेठ ३० गते संयुक्त राष्ट्रसंघको चार्टर्ड विमानमार्फत अबिये मिसनतर्फ प्रस्थान गरेका थिए ।

हाल सो मिसनमा १०७ जना नेपाली शान्ति सैनिकले सेवा दिइरहेका सैनिक जनसम्पर्क तथा सूचना निर्देशनालयले जनाएको छ । 

संयुक्त राष्ट्रसंघको आह्वानमा नेपालले विभिन्न देशमा शान्ति स्थापनार्थ सैनिक खटाउँदै आएको छ ।