इजरायली सेनाले पश्चिम इरानमा रहेका सैन्य केन्द्रहरूमा हवाई आक्रमण शुरू गरिएको जनाएको छ ।

इजरायल डिफेन्स फोर्स (आईडीएफ)का अनुसार पछिल्लो एक घण्टाभित्र इरानबाट इजरायली भूमिमा मिसाइल प्रक्षेपण भएको पहिचान गरेपछि इजरायली वायुसेनाले जवाफस्वरूप उक्त हमला थालेको हो ।

आईडीएफले थप जानकारी दिँदै इरानी भूमिमा रहेका मिसाइल लन्चरहरूलाई पनि लक्षित गरेर आक्रमण गरिएको जनाएको बीबीसीले उल्लेख गरेको छ ।

गएराति मात्र इरानका न्युक्लियर साइट्सहरूमा अमेरिकाले बमबारी गरेको थियाे । अमेरिकाको साथ पाएपछि इजरायल थप आक्रामक बनेको हो ।