१९ असार २०८३, शुक्रबार
इरानले कतारमा आक्रमण गरेपछि सोमबार राति रद्द भएको दोहाको उडान आज मध्याह्न १२ बजेका लागि तोकिएको छ ।
हाल दोहामा हवाई मार्ग खुलाइएको र अवस्था शान्त बन्दै गएकोले १२ बजेका लागि उडान तय गरिएको नेपाल एयरलायन्सले जनाएको छ ।
नेपाल एयरलाइन्सको विमान सोमबार राति ११ बजे दोहा उड्ने तालिका थियो तर, त्यहाँ तनाव भएपछि रद्द गरिएको थियो ।
राति विमानमा यात्रुलाई बोर्ड गराउने तयारी भइरहेका बेला उडान रद्द भएपछि वैदेशिक रोजगारीका लागि जान लागेका अधिकांश यात्रुहरू अलपत्र परेका थिए ।
