२८ जेठ २०८३, बिहीबार
भारतीय पत्रिका ‘दी इन्डियन एक्सप्रेस’ले असार ७ गते शनिबार नेपालबारे एउटा प्रिमियम स्टोरी प्रकाशित गरेको छ ।
२०४२ सालमा नेपालको राजधानी काठमाडौंका विभिन्न स्थानमा भएको विस्फोटको घटनासम्बन्धी ४० वर्ष पुरानो समाचारलाई लिएर उसले प्रिमियम स्टोरी छापेको हो ।
गणतन्त्रवादी नेता रामराजाप्रसाद सिंहको नेतृत्वमा २०४२ असार ६ गते नारायणहिटी दरबारसहित काठमाडौंका ७ ठाउँमा विस्फोटका घटना भएका थिए ।
‘जुन २१, १९८५, फोर्टी इयर्स अगो: नेपाल बम ब्लास्ट’ शीर्षकमा छापिएको प्रिमियम स्टोरीमा त्यो बेलाको घटनाको चर्चा गरिएको छ ।
नारायणहिटी दरबार, अन्नपूर्ण होटल र सिंहदरबारस्थित राष्ट्रिय पञ्चायत भवनमा एकसाथ विस्फोट भएका थिए । विस्फोटको घटनामा राष्ट्रिय पञ्चायतका सदस्य डम्बरजङ गुरुङको मृत्यु भएको थियो ।
त्यो बेला ‘ब्ल्याक एन्ड ह्वाइट’ रूपमा छापिने इन्डियन एक्सप्रेसले पहिलो पृष्ठमा समाचार प्रकाशित गरेको थियो । इन्डियन एक्सप्रेसमा छापिएको समाचारले ४० वर्षअघि भएको विस्फोटको घटना सम्झाएको छ ।
विस्फोट गराउने रामराजाप्रसाद सिंहको निधन भइसकेको छ । उनी २०६५ सालमा भएको राष्ट्रपतीय निर्वाचनमा माओवादीले प्रस्ताव गरेका उम्मेदवार थिए । तर, उनी रामवरण यादवसँग पराजित भए ।
पञ्चायतको विरोधमा रामराजाप्रसाद सिंहको अगुवाइमा भएको विस्फोटका घटनामा सहभागी भएका कमलदेव साहले लोकान्तर डट्कमसँगको कुराकानीमा त्यो बेला भएको विस्फोटबारे केही स्मरण गरेका थिए ।
हेर्नुहोस्, भिडियो कुराकानी :
