कवि शेखर विकल्पको शब्द रचना रहेको आधुनिक गीत ‘पारिजातको फूल’ सार्वजनिक भएको छ । 

गीतमा लोकप्रिय गायक रामकृष्ण ढकालको स्वर रहेको छ भने संगीत केशव ज्ञवालीले भरेका छन् । गीतको संयोजन भने पवन परियारको रहेको छ । 

यसैगरी, गीतको भिडियोमा सुरज पन्थ, श्रुति गिरी र राज अर्यालले अभिनय गरेका छन् । विष्णु भट्टराईले निर्देशन गरेको भिडियोमा कथा परिकल्पना भट्टराईकै छ । 

भिडियोको छायांकन र सम्पादन समेत भट्टराईले नै गरेका छन् । भिडियोलाई त्रिकोणात्मक प्रेमकथामा प्रस्तुत गरिएको छ । 

लामो समयदेखि साहित्य सिर्जनामा सक्रिय कवि विकल्प हाल जापानमा छन् । 

हेर्नुहोस् भिडियो :