१२ असार २०८३, शुक्रबार
बाराको जीतपुरसिमरा उपमहानगरपालिका-१७ रामनगर चोकबाट अवैध लागूऔषध गाँजा करिब २० किलोग्राम प्रहरीले बरामद गरेको छ ।
प्रहरी चौकी जैतापुरबाट खटिएको प्रहरीले रामनगरबाट मधुवनतर्फ जाँदै गरेको हाल नम्बर नखुलेको मोटरसाइकललाई जाँच गर्न खोज्दा मोटरसाइकलमा सवार व्यक्तिहरूले मोटरसाइकल र बोरा छाडि फरार भएका थिए ।
त्यसपछि प्रहरीले बोरा तलासी गर्दा उक्त गाँजा फेला पारी बरामद गरेको हो । प्रहरीले हाल फरार व्यक्तिहरूको खोजी गर्नुका साथै यस सम्बन्धमा आवश्यक अनुसन्धान गरिरहेको जनाएको छ।
