नेपाली राष्ट्रिय पुरुष क्रिकेट टोलीले आगामी अगस्टमा अस्ट्रेलियामा टी–२० क्रिकेट शृंखला खेल्ने भएको छ ।

नेपाल क्रिकेट संघ (क्यान)का अनुसार, शृंखलाका लागि नेपाली टोलीले अगस्ट १४ देखि २४ तारिखसम्म अस्ट्रेलियाको भ्रमण गर्नेछ ।

नेपाली टोलीले अस्ट्रेलियामा भ्रमणका क्रममा ‘टप ईण्ड टी–२० शृंखला’ खेल्ने क्यानले जनाएको छ ।

नेपाली टोलीले अस्ट्रेलिया भ्रमणका क्रममा सन् २०२६ मा आयोजना हुने आईसीसी टी–२० विश्वकपको छनोट प्रतियोगिताको तयारी गर्नेछ ।

विश्वकपको एसिया छनोट आगामी अक्टोबर १ देखि १७ तारिखसम्म ओमानमा आयोजना हुँदैछ ।

अस्ट्रेलिया भ्रमणका क्रममा नेपाली टोलीले बलिया स्थानीय टोलीहरूको सामना गर्ने क्यानले जनाएको छ ।