०४ साउन २०८३, सोमबार
डडेल्धुरा, २१ मंसिर– प्रधानमन्त्री तथा नेपाली कांग्रेसका सभापति शेरबहादुर देउवाको गृहजिल्ला डडेल्धुरामा ६५ प्रतिशत मत खसेको छ ।
मुख्य निर्वाचन अधिकृत रमेशप्रसाद रिजालका अनुसार डडेल्धुरामा ६५ प्रतिशत मत खसेको हो । रिजालले डडेल्धुरामा शान्तिपूर्ण रुपमा मतदान सम्पन्न भएको बताए ।
प्रतिनिधिसभाका लागि एउटा मात्रै निर्वाचन क्षेत्र रहेको डडेल्धुरामा ८१ हजार ७ सय ३२ मतदाता छन् ।
स्थानीय तह निर्वाचनको तुलनामा यसपटकको निर्वाचनमा डडेल्धुरामा ३ प्रतिशत कम मत खसेको छ । स्थानीय तह निर्वाचनमा डडेल्धुरामा ६८ प्रतिशत मत खसेको थियो ।
डडेल्धुरामा प्रतिनिधिसभा सदस्यका लागि नेपाली कांग्रेसबाट प्रधानमन्त्री शेरबहादुर र वाम गठबन्धनका तर्फबाट माओवादी नेता खगराज भट्ट प्रतिष्पर्धामा छन् ।
