३० जेठ २०८३, शनिबार
भारतको तेलंगानास्थित संगारेड्डी जिल्लाको पसामिलाराम औद्योगिक क्षेत्रमा रहेको रिएक्टरमा विस्फोट हुँदा भएको ठूलो आगलागीमा २७ जनाको मृत्यु भएको छ।
जिल्ला प्रशासनले सिगाची रसायन कारखानामा भएको दुर्घटनामा चार जनाको पहिचान भइसकेको र बाँकी २३ जनाको पहिचान गर्ने प्रयास भइरहेको बीबीसी हिन्दीले जनाएको छ ।
दुर्घटनामा ३५ जना घाइते भएका छन्। सबैको उपचार भइरहेको छ।
जिल्ला प्रशासनले दुर्घटनामा २४ जना अझै बेपत्ता रहेको र सबैको खोजी जारी रहेको बताएको छ। यसबाहेक ५७ जना सकुशल फेला परेका छन्।
प्रधानमन्त्री नरेन्द्र मोदीले राष्ट्रिय राहत कोषबाट प्रत्येक मृतकका परिवारलाई २ लाख रुपैयाँ र घाइतेलाई ५० हजार रुपैयाँ राहत दिइने बताएका छन् ।
यससँगै, बिहार सरकारले बिहारमा बस्ने मृतकका आश्रितहरूलाई २ लाख रुपैयाँ क्षतिपूर्ति र घाइतेलाई ५० हजार रुपैयाँ दिने घोषणा गरेको छ।
