३० जेठ २०८३, शनिबार
नेपालको अग्रणी मनोरञ्जन च्यानल डिशहोमको रमाइलो टीभीले बहुप्रशंसित टेलिभिजन सिरिज ‘रामायण’ नेपाली भाषामा प्रसारण गर्ने भएको छ । यो ऐतिहासिक धार्मिक श्रृंखला यही असार १९ गतेदेखि हरेक बिहीबार र शुक्रबार राति ८ बजे प्रसारण हुने छ ।
‘रामायण’ भारतीय संस्कृत महाकाव्य रामायणमा आधारित टेलिभिजन श्रृंखला हो, जसलाई प्रसिद्ध निर्माता, निर्देशक तथा लेखक रामानन्द सागरले निर्माण गरेका थिए । यो सिरिज पहिलोपटक सन् १९८७ देखि १९८८ सम्म भारतको डीडी नेशनल च्यानलमा प्रसारित भएको थियो । आशोक कुमार र रामानन्द सागरद्वारा प्रस्तुत गरिएको यस श्रृंखलाको संगीत रवीन्द्र जैनले संयोजन गरेका थिए ।
‘रामायण’ले प्रसारणको समयमा भारतमा ८२ प्रतिशत दर्शक संख्या प्राप्त गर्दै इतिहास रचेको थियो । बीबीसीका अनुसार, ‘रामायण’ ६५ करोडभन्दा बढी दर्शकद्वारा हेरिएको श्रृंखला हो । यस श्रृंखलाको पुन:प्रसारण विश्वका १७ देशका २० भन्दा बढी च्यानलहरूमा पनि भएको थियो । ‘रामायण’ ले २०२० मा कोरोना लकडाउनको समयमा पुन: प्रसारण हुँदा एकै दिन ७.७ करोड दर्शक संख्यासहित विश्वको सबैभन्दा धेरै हेरिएको टेलिभिजन कार्यक्रमको कीर्तिमान राखेको थियो ।
डिशहोमका ग्राहकहरूको मनोरञ्जनलाई ध्यानमा राखि डिशहोमले विभिन्न लोकप्रिय कार्यक्रम, राष्ट्रिय तथा अन्तर्राष्ट्रिय खेलहरू प्रसारण गर्ने गरेको छ । यसै क्रममा डिशहोमको ग्राहकहरूले यस ऐतिहासिक र आध्यात्मिक कथा नेपाली भाषामा आफ्नै च्यानल रमाइलो टीभीमा हेर्न पाउनेछन् ।
हाल रमाइलो टीभी डिशहोमका ग्राहकहरूको लागि मात्र उपलब्ध रहेको छ । आजै डिशहोम जडान गरेर डिशहोमको ग्राहक बनेर अन्य कुनै माध्यममा उपलब्ध नरहेको विभिन्न कार्यक्रमहरूको मज्जा लिन कम्पनीले आग्रह गरेको छ ।
