जनमत पार्टी बेगर संघीय लोकतान्त्रिक मोर्चाको बैठक बसेको छ । 

रुपन्देही क्षेत्र नम्बर ३ मा हुने उपनिर्वाचन, निजामती सेवा ऐनमा गरिएको त्रुटीपूर्ण विषयसहित विविध विषयमा छलफल गर्न बसेको मोर्चाको बैठकमा जनमत पार्टीबाट कुनै पनि नेता सहभागी छैनन् ।

तराई मधेश लोकतान्त्रिक पार्टी(तमलोपा)नेपालको संयोजनमा मंगलबार बसेको बैठकमा जनता समाजवादी पार्टी (जसपा) नेपाल, नागरिक उन्मुक्ति पार्टी नेपाल, राष्ट्रिय मुक्ति पार्टी नेपाल, लोकतान्त्रिक समाजवादी पार्टी (लोसपा) नेपाल र जनता प्रगतिशील पार्टीका नेताहरू सहभागी भए । 

बैठकमा जसपा नेपालबाट नेताहरू राजकिशोर यादव, मनिष सुमन र राम कुमार शर्मा, नागरिक उन्मुक्तिबाट नेताहरू रेशमलाल चौधरी, रञ्जिता चौधरी, लालविर चौधरी, गंगा चौधरी र  हिमाञ्चल भट्टराई, राष्ट्रिय मुक्ति पार्टीबाट नेताहरू राजेन्द्र महतो, केशव झा र सन्तोष मेहता उपस्थित भए । 

त्यसैगरी, लोसपाबाट नेताहरू महन्थ ठाकुर, सर्वेन्द्रनाथ शुक्ला, लक्ष्मणलाल कर्ण र ज्ञानेन्द्र झा, जनता प्रगतिशील पार्टीबाट नेताहरू हृदयेश त्रिपाठी, शिवजी यादव र सबिर हुसेन र तमलोपाबाट नेताहरू वृषेशचन्द्र लाल, डा. विजय सिंह, बिभा ठाकुर, पुनम झा, ब्रज किशोर सिंह र सुभाष कर्ण सहभागी भए ।

मोर्चामा जनमत पार्टी समेत आबद्ध रहेकोमा मंगलबारको बैठकमा जनमतबाट नेताहरू सहभागी भएका भएनन् ।