२९ जेठ २०८३, शुक्रबार
मोरङ, २३ मंसिर– नेकपा माओवादी केन्द्रले प्रदेश नम्बर १ मा प्रतिनिधिसभा सदस्यतर्फ दोस्रो जीत दर्ता गरेको छ । माओवादी उम्मेदवार शिवकुमार मण्डल मोरङ–५ बाट विजयी भएका छन् ।
नेपाली कांग्रेसका अमृत अर्याललाई पराजित गर्दै माओवादीका मण्डल विजयी भएका हुन् । मण्डलले २२९४५ मत पाए भने उनका निकटतम् प्रतिद्वन्द्वी कांग्रेसका अर्यालले १९१५३ मत प्राप्त गरे ।
प्रदेश १ मा यसअघि माओवादीका अमनलाल मोदी मोरङ ४ बाट विजयी भइसकेका छन् ।
