०३ असार २०८३, बुधबार
नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ नेकपा (क्रान्तिकारी माओवादी)का महासचिव मोहन वैद्य ‘किरण’लाई भेट्न पुगेका छन् ।
प्रचण्ड आइतबार वैद्यको निवास टोखा पुगेर भेटघाट गरेका उनको सचिवालयले जनाएको छ ।
वैद्य लामो समयको उपचारपछि केही दिन पहिले डिस्चार्ज भएका थिए ।
उनको स्वास्थ्य अवस्थामा क्रमशः सुधार हुँदै गएकोप्रति प्रचण्डले खुशी व्यक्त गरे । साथै, वैद्यको पूर्ण स्वास्थ्य लाभको कामना पनि गरेको प्रचण्डको सचिवालयले जनाएको छ ।
माओवादी युद्धकालमा यी दुई नेता एउटै मोर्चामा थिए । पार्टी शान्ति प्रक्रियामा आएको केही समयपछि वैद्य प्रचण्ड नेतृत्वको माओवादीबाट अलग्गिएका थिए ।
