०२ असार २०८३, मंगलबार
लुम्बिनी प्रदेशका नवनियुक्त युवा तथा खेलकुदमन्त्री सन्तोषकुमार पाण्डेले पद तथा गोपनीयताको शपथ लिएका छन् ।
मुख्यमन्त्री चेतनारायण आचार्यले नियुक्त गरेका मन्त्री पाण्डेयले सोमबार प्रदेश पद तथा गोपनीयताको शपथ लिएका हुन् । उनलाई प्रदेश प्रमुख कृष्णबहादुर घर्तीमगरले बुटवलमा पद तथा गोपनीयताको शपथ ग्रहण गराएका हुन् ।
लोकतान्त्रिक समाजवादी पार्टी (लोसपा) संसदीय दलका नेता पाण्डेय यस अघि तीनपटक मन्त्री बनिसकेका व्यक्ति हुन् ।
मुख्यमन्त्रीसहित हाल ११ सदस्यीय रहेको प्रदेश मन्त्रिपरिषद्मा रिक्त रहेको युवा तथा खेलकुद मन्त्रालयको जिम्मेवारी मुख्यमन्त्री स्वयंले सम्हाल्दै आएका थिए ।
वर्तमान मन्त्रिपरिषद् मुख्यमन्त्रीसहित ५ जना मन्त्री एमालेबाट, ५ जना कांग्रेसबाट र जनता समाजवादी पार्टीबाट १ र अब लोसपाबाट १ गरी १२ सदस्यीय बनेको छ ।
यस अघि गृहमन्त्री रहेका पाण्डेय खेलकुदमन्त्री बनेपछि पार्टीभित्र असन्तुष्टि बढेको छ ।
लोसपाका प्रदेशसभामा ३ जना सांसद छन् ।
