२८ जेठ २०८३, बिहीबार
सप्तरीमा प्रहरीले चलाएको गोली लागेर एक जनाको मृत्यु भएको छ । मदिरा नियन्त्रण गर्ने क्रममा गएराति तस्कर समूहसँग झडप भएपछि प्रहरीले चलाएको गोली लागेर राजगड गाउँपालिका–२ का लालु यादवको मृत्यु भएको मधेश प्रदेश प्रहरी प्रमुख उमाप्रसाद चतुर्वेदीले जानकारी दिए ।
मृतकको तिघ्रामा गोली लागेको र उपचारका क्रममा ज्यान गएको उनको भनाइ छ ।
उनका अनुसार मदिरा भण्डार गरिएको ठाउँमा सर्च अप्रेसन चलाउँदा तस्करसँग झडप भएको थियो । झडपका क्रममा स्थितिलाई नियन्त्रणमा लिन प्रहरीले लिन ७ राउण्ड गोली चलाउनु परेको उनले बताए ।
सर्च अप्रेसन गर्न गएको प्रहरीलाई तस्कर समूहले घेरा हालेर ढुंगामुढा प्रहार गरेको थियो ।
प्रहरीले अप्रेसन चलाएको स्थान नेपाल–भारतको सीमा क्षेत्रमा पर्ने प्रहरीको भनाइ छ ।
