२२ जेठ २०८३, शुक्रबार
‘नाईमा नेपाल मोबिलिटी एक्स्पो २०२५’ को शुरू भएको छ ।
उपप्रधान एवं अर्थमन्त्री विष्णुप्रसाद पौडेलले बुधबार काठमाडौंको भृकुटीमण्डपमा नेपाल अटोमोबाइल इम्पोर्टर्स एन्ड म्यानुफ्याक्चरर्स एसोसिएसन (नाईमा)ले आयोजना गरेको एक्स्पोको उद्घाटन गरेका हुन् ।
उद्घाटन समारोहमा बोल्दै मन्त्री पौडेलले नेपालको अटोमोबाइल क्षेत्रले तरक्की गरिरहेको बताए ।
सरकारले गुणस्तरीय सडक पूर्वाधारको विकासमा जोड दिएको उनको भनाइ छ ।
'सडकको गुणस्तर सुनिश्चित गर्ने हिसाबले सरकारको प्राथमिकतामा छ । सडक पूर्वाधारको विस्तारमा सरकारले जोड दिएको छु,' मन्त्री पौडेलले भने, 'भृकुटीमण्डपमा अन्तर्राष्ट्रिय स्तरको प्रदर्शनी स्थल बनाउन सम्बन्धित मन्त्रालयहरू जुटिसकेका छन् । त्यसका लागि बजेटले बोलिसकेको छ । प्रदर्शनी स्थल बनाउनका लागि विदेशी निर्माण कम्पनी पनि बोलाएर कुरा गर्नुपरे पनि गर्नेछौं ।'
बुधबारदेखि शुरू भएको मोबिलिटी एक्स्पो साउन २५ अर्थात् आइतबारसम्म चल्नेछ । एक्स्पोमा १५ वटा दुई पांग्रे, १५ वटा चार पांग्रे तथा पाँचवटा व्यावसायिक सवारीसाधन लन्च गरिँदैछ ।
तस्वीरहरू
