२५ जेठ २०८३, सोमबार
भारतका विदेश सचिव विक्रम मिश्री नेपाल आउने भएका छन् ।
प्रधानमन्त्री केपी शर्मा ओली भारत भ्रमणमा जाने चर्चा भैरहेका बेला अगष्ट १७ अर्थात् आगामी भदौ १ गते उनी काठमाडौं आउन लागेको परराष्ट्र मन्त्रालय स्रोतले जानकारी दियो ।
स्रोतका अनुसार नेपाल बसाइको क्रममा उनले प्रधानमन्त्री केपी शर्मा ओली र परराष्ट्र मन्त्री आरजु राणा देउवा लगायतलाई भेट्ने छन् ।
प्रधानमन्त्री ओली भदौ अन्तिम साता भारत भ्रमणमा जाने तयारी छ ।
यद्यपि, भ्रमणको औपचारिक घोषणा भने हुन बाँकी छ ।
