इन्डोनेसियाको एक शहरमा स्कूलको खाना खाएपछि करिब ३६५ जना बिरामी परेका छन् । राष्ट्रपति प्रबोवो सुबियान्तोको नि:शुल्क खाना कार्यक्रममा खाद्य विषाक्तताको यो अहिलेसम्मकै सबैभन्दा ठूलो घटना हो ।

यो घटनापछि स्थानीय अधिकारीहरूले मध्य जाभाको सारागेनमा खाना वितरण अस्थायी रूपमा रोकेको बीबीसीले जनाउको छ । समाचार अनुसार खाना विषाक्तताको जाँच गर्न नमूनाहरू सङ्कलन गरिँदैछ।

राष्ट्रपतिले देशमा बौनापनलाई सम्बोधन गर्न निःशुल्क खाना उपलब्ध गराउने वाचा गरेका थिए । यस कार्यक्रमको अनुमानित लागत २८ अर्ब डलर छ। कार्यक्रमको उद्देश्य देशका ८ करोड स्कूले बालबालिकालाई खाना उपलब्ध गराउनु हो ।

सरकारले यस कार्यक्रममा धेरै पैसा खर्च गरिरहेको छ र यसका कारण धेरै मन्त्रालयहरूको बजेट कटौती गर्नु परेको छ।

यस वर्ष जनवरीमा यो महत्वाकांक्षी कार्यक्रम शुरू भएदेखि देशभर एक हजारभन्दा बढी मानिसहरू बिरामी परेका छन् । यसका कारण सरकारले आलोचनाको सामना पनि गर्नु परेको छ ।