सुक्खा पहिरोले नारायणगढ–मुग्लिन सडकखण्ड अवरुद्ध भएको छ । 

चितवनको इच्छाकामना गाउँपालिका–५ तुइनखोलास्थित सडकखण्डमा आज बिहान पहिरो खसेपछि सडक अवरुद्ध बनेको जिल्ला प्रहरी कार्यालय चितवनका सूचना अधिकारी रवीन्द्र खनालले जानकारी दिए । 

पहिरोले सडक अवरुद्ध भएपछि गन्तव्यमा हिँडेका सवारीसाधन रोकिएका छन् ।

उनका अनुसार अहिले दुई‘जेसीभी’ प्रयोग गरेर पहिरो पन्छाउने काम भइरहेको छ । 

चट्टानसहित खसेको पहिरो पन्छाएर बाटो सञ्चालन गर्ने तयारी भइरहेको उनले बताए ।