दिल्लीकी मुख्यमन्त्री रेखा गुप्तामाथि जन सुनुवाइ कार्यक्रमका क्रममा आक्रमण गर्ने व्यक्तिको विवरण सार्वजनिक भएको छ । घटनापछि मुख्यमन्त्री गुप्ताको टाउकोमा चोट लागेको छ । दिल्ली प्रहरीले घटनाको पुष्टि गर्दै गृह मन्त्रालयलाई जानकारी दिइसकेको छ ।

प्रारम्भिक विवरणअनुसार आक्रमणकारी गुजरातको राजकोटका ४१ वर्षीय राजेशभाइ खिमजीभाइ सकारिया नामका व्यक्ति हुन् । उनी पशुप्रेमी रहेको बताइएको छ । हाल प्रहरी हिरासतमा रहेका उनीसँग थप सोधपुछ भइरहेको दिल्ली प्रहरीले जनाएको छ ।

घटनामा संलग्न आरोपीको समेत प्राप्त भएको भारतीय सञ्चारमाध्यमले जनाएका छन् । भारतीय मिडिया स्रोतका अनुसार राजेशभाइका एक आफन्त हाल जेलमा रहेका छन् । तिनै आफन्तलाई छुटाउन निवेदन बुझाउनका लागि उनी दिल्ली पुगेका थिए । 

उक्त मुद्दा अदालतमा विचाराधीन छ । यसै क्रममा दिल्ली प्रहरीले आरोपीको पृष्ठभूमि बारे थप जानकारीका लागि गुजरात प्रहरीलाई सम्पर्क गरेको र आधार कार्ड समेत जारी गरिएको जनाएको छ ।

प्रहरीलाई दिएको बयानमा आरोपीकी आमाले छोरा भुस्याहा कुकुरसम्बन्धी सर्वोच्च अदालतको फैसलापछि दिल्ली आएको बताएकी छन् । आमाका अनुसार छोरा मानसिक रूपमा अस्वस्थ छ र आफूलाई कुकुरप्रेमी ठान्छन् । 

उनले यसअघि पनि दिल्ली यात्रा गरिसकेका थिए । आरोपी रिक्सा चालक परिवारबाट आएका हुन् । राजकोट प्रहरीले आमा समेतलाई सोधपुछका लागि लगेको छ । तर, आमाले छोराले ऊ दिल्ली मुख्यमन्त्रीको निवास जानेबारे केही बताएका थिएनन् । 

आक्रमणका क्रममा उनले शुरूआती रूपमा केही कागजात मुख्यमन्त्रीलाई दिएका थिए, तर तुरुन्तै हात तानेर आक्रमणको प्रयास गरेका थिए। आरोपी प्रहरी नियन्त्रणमै छन् र अनुसन्धान भइरहेको छ ।

बीजेपी प्रवक्ता प्रविण शंकरका अनुसार आरोपीको कुनै राजनीतिक दलसँग प्रत्यक्ष सम्पर्क प्रमाणित भएको छैन । तर, उनले आक्रमण अघि दिएका अभिव्यक्तिहरूबाट उनी दिल्लीमा आफ्नो अवस्थाप्रति असन्तुष्ट कुनै दलसँग जोडिएको हुनसक्ने संकेत मिलेको जनाइएको छ ।

दिल्ली बीजेपी अध्यक्ष वीरेन्द्र सचदेवाले घटनाबारे स्पष्ट गर्दै भनेका छन्, ‘आरोपीले मुख्यमन्त्रीको हात तानेपछि हल्का धक्का-मुक्का भयो र उनको टाउको टेबलको कुनामा ठोक्कियो । चिकित्सकहरूले उनको स्वास्थ्य अवस्था स्थिर रहेको बताएका छन् ।’

‘यसले केही मानसिक आघात पारेको छ, तर उहाँले आफ्ना कार्यक्रम रद्द नगर्ने स्पष्ट गर्नुभएको छ । जन सुनुवाइ कार्यक्रम निरन्तर चल्नेछ’ उनले थपे ।