२८ जेठ २०८३, बिहीबार
प्रहरीले वैदेशिक रोजगारीका लागि बेलायत (यूके) पठाउने भन्दै आठ जनाबाट ४३ लाख रुपैयाँ ठगी गरेको अभियोगमा एक जनालाई पक्राउ गरी आज सार्वजनिक गरेको छ ।
पक्राउ पर्नेमा कास्की पोखरा महानगरपालिका–१४ घर भइ हाल ललितपुर महालक्ष्मी नगरपालिका–२ बस्ने २९ वर्षीय वसन्त कार्की रहेका काठमाडौं उपत्यका अपराध अनुसन्धान कार्यालयका सूचना अधिकारी एवं प्रहरी उपरीक्षक काजीकुमार आचार्यले जानकारी दिए ।
उनले भने, 'पक्राउ परेका कार्कीले आठ जनालाई युके पठाउने भन्दै ४३ लाख रुपैयाँ ठगी गरेको उजुरीका आधारमा बानेश्वरबाट पक्राउ गरिएको हो ।'
पक्राउ परेका कार्की नयाँ बानेश्वर काठमाडौंमा रहेको शिक्षा खोज नेपालका सञ्चालकसमेत रहेको र उनलाई थप अनुसन्धान तथा कारबाहीका लागि वैदेशिक रोजगार विभाग ताहाचल पठाइएको छ ।
