२४ जेठ २०८३, आइतबार
प्रतिनिधिसभाअन्तर्गतको राज्य व्यवस्था समितिको सभापतिको उम्मेदवारी दर्ता गर्न कांग्रेस सांसद ईश्वरी देवी न्यौपाने सिंहदरबार पुगेकी छिन् ।
कांग्रेस र एमालेको प्रस्ताव र समर्थनमा उनले उम्मेदवारी दर्ता गर्न लागेकी हुन् ।
रामहरि खतिवडाले राजीनामा दिएपछि रिक्त रहेको राज्य व्यवस्था समितिको सभापति न्यौपानेलाई बनाउने कांग्रेसले निर्णय गरेको थियो ।
विपक्षी दलले दाबी नगरेका कारण उनी सर्वसम्मत हुने सम्भावना छ । सभापतिको निर्वाचन भोलि बुधबार हुनेछ ।
उम्मेदवारी दर्ता गर्नुअघि उनले संसदीय सुनुवाइ विशेष समितिको सभापतिबाट राजीनामा दिने तयारी गरेकी छिन् ।
