०६ साउन २०८३, बुधबार
राष्ट्रिय स्वतन्त्र पार्टी (रास्वपा)ले सोमबारका लागि तय गरेको पत्रकार सम्मेलन अन्तिम समयमा स्थगित भएको छ ।
रूपन्देही क्षेत्र नम्बर ३ का लागि उम्मेदवार तोकिएका डा. लेखजंग थापाबारे विवाद भएपछि पत्रकार सम्मेलन स्थगित भएको स्रोतले बतायो ।
रास्वपाले १० प्रतिस्पर्धीबाट डा. थापालाई उम्मेदवार बनाउने निर्णय आइतबारको सचिवालय बैठकबाट गरेको थियो । तर, थापाले बहुविवाह गरेको भन्दै सामाजिक सञ्जालमा विरोध भइरहेको छ ।
उम्मेदवारको परिचयका लागि रास्वपा केन्द्रीय कार्यालय वनस्थलीमा सोमबार दिउँसो २ बजेका लागि पत्रकार सम्मेलन तय गरिएको थियो । तर, अन्तिम समयमा पत्रकार सम्मेलन स्थगित भएको जानकारी गराइएको छ ।
रुपन्देही क्षेत्र नम्बर ३ का कार्तिक १७ गते उपनिर्वाचन हुँदैछ ।
