काठमाडौं, पुस १०– संघीयता कार्यान्वयन गर्ने मुख्य जिम्मेवारी बोकेको स्थानीय विकास मन्त्रालयले संघीयता धरापमापर्ने चेतावनी दिएको छ । 
स्थानीय विकसा मन्त्रालयले स्थानीय तहका जनप्रतिनिधिको कामप्रति चरम असन्तुष्टि जनाउँदै उनीहरुको पूरै भर परे संघीयता नै धरापमा पर्ने चेतावनी दिएको हो । 
मन्त्रालयले आइतबार स्थानीय विकास राज्यमन्त्री जनकराज चौधरी, राष्ट्रिय योजना आयोगका सदस्य सुनिलबाबु श्रेष्ठ र अर्थ मन्त्रालयका प्रतिनिधिको उपस्थितिमा चौमासिक समिक्षा बैठक राखेका थियो  । बैठकमा मन्त्रालयका सचिव दिनेशकुमार थपलियाले संविधानले स्थानीयतहलाई दिएका काम जनप्रतिनिधिले गर्छन् भनेर हात बाँधेर बसे संघीयता नै धरापमा पर्ने खतरा देखिएको बताए । उनले जनप्रतिनिधिको काम चित्तबुझदो नभएको भन्दै विकास निर्माणका महत्वपूर्ण काममा उनीहरुलाई भर गर्न नहुने बताए,कारोबार दैनिकमा खबर छापिएको छ ।