मुम्बइ, १४ पुस– भारत मुम्बईस्थित एक भवनमा आगलागी हुँदा १४ जनाको जलेर मृत्यु भएको छ । लोअर परेल इलाकास्थित भवनमा लागेको आगोमा पर्दा अरु ६ जना घाइते भएका छन् ।

अधिकारीहरुले बिहीबार मध्यराती कमल मिल कम्पाउण्ड भवनको तेस्रो तल्लामा आगलागी भएको जानकारी दिएका छन् । मृत्यु हुनेमा धेरैजसो  बर्थ डे पाटी मनाउन आएका महिला रहेको मुम्बई प्रहरीले जनाएको छ । 

वर्थ डे मनाउने २८ वर्षीया महिलाको पनि ज्यान गएको प्रहरीले जनाएको छ । घाइतेहरुलाई सिमन अस्पतालमा भर्ना गरिएको छ ।