१२ असार २०८३, शुक्रबार
काठमाडौं, २० पुस — इजरायलमा सुक्खाको खतरा बढेर गएको छ । ग्यालिली समुद्रमा जलस्तर घटेर गएको छ । जोर्डन नदीमा पनि जलप्रवाह घटेको छ अनि डेड सी लगातार घटिरहेको छ ।
इजरायलका धार्मिक स्थलमा नदीहरूबाट पानी पुग्थ्यो तर त्यो पनि सुकिसकेको छ ।
फोटोग्राफर अडेड ब्यालिलटीले गत वर्ष इजरायलमा बिताएर त्यहाँको सुक्खालाई क्यामरामा कैद गरेका छन् ।
वातावरणमा काम गरिरहेको संस्था इकोपीसका इजरायल निर्देशक गिदोन ब्रोमबर्गले एलेनबाए पुलबाट आँखा झिम्क्याउँदा जोर्डन नदी देख्न नपाइने बताएका छन् ।
एलेनबाए पुलले जोर्डन र पश्चिमी किनारालाई जोड्छ । जोर्डन नदी त्यही पुलमुनि बग्छ ।
नदी र समुद्रको जलस्तर घट्नुमा जलवायु परिवर्तनदेखि जनसंख्या वृद्धि र खेतीमा पानीको प्रयोगसम्मलाई कारण मानिएको छ ।
जोर्डन नदी अहिलेसम्मकै सबभन्दा खराब हालतमा छ । नदीको करीब ९५ प्रतिशत प्रवाह सन् १९६० मा कृषिका लागि मोडिएको थियो ।
यस नदीबाट हरेक वर्ष ५५ मिलियन क्युबिक मिटर पानी जोर्डनको खेतीमा प्रयोग हुन्छ । इजरायल, प्यालेस्टाइन र जोर्डन तीनै मुलुक सुक्खाको स्थिति ल्याउनका लागि जिम्मेवार रहेको ब्रोमबर्गको आरोप छ ।
एजेन्सी
