नेकपा एमाले मधेस सरकारमा सहभागी भएको छ । बिहीबार मुख्यमन्त्री कृष्ण यादवले एमालेका  सांसद मोहम्मद समिरलाई मन्त्री नियुक्त गरेका छन् । उनलाई हाललाई विना विभागीय मन्त्री बनाइएको छ । 

आजै एमाले र कांग्रेसबीच सत्ता साझेदारीमा समझदारी बनेको थियो । सहमतिसँगै एमाले सरकारमा सहभागी बनेको हो । अब यादव नेतृत्वको सरकारले शुक्रबार विश्वासको मत लिने कार्यक्रम छ । 

यस्तै यादवले जसपा नेपालका तीन मन्त्रीलाई बर्खास्त गरेका छन् भने यसअघि नै जनमतका मन्त्रीहरूले राजीनामा दिइसकेका छन् । अहिले जसपा नेपालका मन्त्रीहरूलाई हटाएर मुख्यमन्त्री आफैँसँग मन्त्रालय राखेका छन् । एमालेका मन्त्रीले आजै शपथ लिएका छन् ।