०९ साउन २०८३, शनिबार
आफूविरुद्ध अविश्वासको प्रस्ताव पेश भएपछि कर्णाली प्रदेशका मुख्यमन्त्री यामलाल कँडेलले राजीनामा दिएका छन् ।
शनिबार बसेको कर्णाली प्रदेशसभाको बैठकलाई सम्बोधन गर्दै कँडेलले राजीनामा गरेका हुन् ।
प्रदेशसभामा राजीनामा गरेर कँडेल राजीनामा बुझाउन प्रदेश प्रमुखकोमा गएका छन् ।
कँडेलविरुद्ध नेपाली कांग्रेस र नेकपाले असार २३ गते अविश्वासको प्रस्ताव दर्ता गरेका थिए ।
अविश्वासको प्रस्तावको अघिल्लो दिन कांग्रेसका मन्त्रीहरूले राजीनामा गरेका थिए । नेपाली कांग्रेसको समर्थनमा २०८१ साउनमा कँडेल कर्णालीको मुख्यमन्त्री बनेका थिए ।
प्रदेशसभामा राजीनामा गर्दै कँडेलले छापामार शैलीमा अविश्वासको प्रस्ताव ल्याइएको आरोप लगाए । ‘प्रदेशसभाको जे परिवेश देखेँ, त्यसका आधारमा मुख्यमन्त्रीबाट राजीनामा गरेर प्रदेश प्रमुखलाई जानकारी गराउँछु,’ उनले भने ।
