काठमाडौं, १० माघ– सम्झौता नेपालको आयोजनामा ‘नागरिक समाजः पारस्परिक जवाफदेहिता’ कार्यक्रम अन्तर्गत नागरिक समाजको गतिविधिमा आम मानिसको धारणा बिषयक अन्तरक्रिया कार्यक्रम सम्पन्न भएको छ । 
बुधबार भएको कार्यक्रममा  काठमाडौं, ललितपुर र भक्तपुरका गैरसरकारी संस्थाका प्रतिनिधि, ललितपुर महानगरपालिकाको न्यायिक समिति सदस्य, ललितपुर वडा न. ९ को वडा अध्यक्ष र नागारिक समाजसँग सरोकार राख्ने व्यक्तिहरुको उपस्थिति थियो । ्र

सो अवसरमा लैंगिक समानता तथा सामाजिक समावेशीकरणको दृष्टिबाट नागरिक समाजसँग सम्बन्धित सँस्थाहरुको बारेमा सम्झौता नेपालकी प्रमुख कार्यकारी अधिकृत डा। उषा झाले स्वागत मन्तब्य र कार्यक्रमको  उदेश्यबारे प्रकाश पारेकी थिइन् । 
 यस्तै  म्याग नेपालकी अध्यक्ष बबिता बस्नेतले कार्यकमलाई सहजीकरण  गरेकी थिइन् । 
यस्तै कार्यक्रममा सहभागिले नागरिक समाजलाई प्रतिबिम्बित गर्ने संस्थाले भोग्नु परेको कठिनाईका व्यक्त गर्नुका साथै आम नागरिकले उनीहरुलाई हेर्ने दृष्टिकोणको बारेमा  अध्ययनहबाट प्राप्त तथ्यहरु प्रस्तुत गरिएको थियो । 
सो क्रममा वडा अध्यक्ष बिनोद ताम्राकारले राम्रो काम गर्ने गैरसरकारी सँस्थालाई पुरस्कार र नराम्रो काम गर्ने सँस्थालाई कालो सुचिमा राख्नुपर्ने धारणा राखेका थिए  ।