०४ असार २०८३, बिहीबार
पोखरा, २३ माघ– गाडीको ठक्करबाट घाइते भएका नेपाल विद्यार्थी संघ स्याङ्जा–पृथ्वीनारायण क्याम्पस सम्पर्क समितिका अध्यक्ष वोधराज ढकालको मृत्यु भएको छ । सोमबार साँझ ग १ ख ६६७७ नम्बरको गाडीको ठक्करबाट घाइते नेविसंघ कार्यकर्ता ढकालको उपचारका क्रममा मृत्यु भएको हो ।
ढकालको गण्डकी मेडिकल कलेजमा उपचार हुन नसकेपछि मणिपाल अस्पताल लगिएको थियो । उनको त्यहीँ उपचारको क्रममा मृत्यु भएको हो ।
यसैबीच, ढकालको मृत्यु भएको विरोधमा आन्दोलनमा उत्रिएका विद्यार्थी र प्रहरीबीच झडप पोखरामा झडप भएको छ । झडपपछि पृथ्वीनारायण क्याम्पस बगर क्षेत्र तनावग्रस्त छ ।
क्याम्पस गेट अगाडि प्रहरी र विद्यार्थीहरुबीच झडप भएको हो । प्रहरीले ६ जनालाई नियन्त्रणमा लिएको छ ।
