१६ असार २०८३, मंगलबार
काठमाडौं, २३ माघ — माल्दिभ्सका राष्ट्रपति अब्दुल्ला यामीनले देशमा संकटकाल घोषणा गरेपछि पूर्वराष्ट्रपति मौमून अब्दुल गयूम र प्रधानन्यायाधीशलाई पक्राउ गरिएको छ । गयूमकी छोरीले ट्विटरमा यो जानकारी दिएकी हुन् ।
हालै देशको सर्वोच्च अदालतले नौ राजनीतिक नेताहरूलाई थुनामुक्त गर्ने आदेश दिएकोमा राष्ट्रपति यामीनले आदेश मान्न अस्वीकार गरेका थिए जसकारण राजनीतिक संकट उत्पन्न भएको छ ।
गयूम माल्दिभ्समा ३० वर्षसम्म राष्ट्रपति थिए । सन् २००८ मा लोकतन्त्र आएसम्म उनी राष्ट्रपति रहे । त्यसपछिको चुनावमा मोहम्मद नशीद राष्ट्रपति भएका थिए ।
गयूमकी छोरीका अनुसार, उनको पितालाई घरबाट टाढा लगिएको छ ।
देशमा १५ दिनका लागि संकटकाल घोषणा गरिएको छ । सेनाले ठाउँ ठाउँमा छापा मारिरहेको छ । नागरिकका सबै अधिकार रद्द गरिएका छन् । सेनाले जोसुकैलाई पक्रा उगर्न सक्ने भएको छ ।
अनि माल्दिभ्सका प्रधानन्यायाधीश अली हामिद र न्यायपालिकाका केही अन्य अधिकारीलाई पनि पक्राउ गरिएको छ ।
एजेन्सी
