२० असार २०८३, शनिबार
काठमाडौं, २५ माघ– काठमाडौंस्थित (हाल बन्द अवस्थामा रहेको) एभरेस्ट होटेलका सञ्चालक मस्कुर अहमद लारी लागु औषध तस्करीकाे मुद्दामा पक्राउ परेका छन् ।
लारी काठमाडौंको महाराजगन्जबाट पक्राउ परेका हुन् । महानगरीय प्रहरी आयुक्तको कार्यालय र महानगरीय प्रहरी बृत्त महाराजगन्जबाट खटिएको प्रहरीको टोलीले लारीलाई महाराजगन्जबाट पक्राउ गरेको हो ।
सन् १९९७ मा जर्मनीको फ्र्यांकफर्ट विमानस्थलमा बरामद भएको २५० किलो चरेश तस्करीमा लारीको संलग्ना रहेको खुलेकाे थियो । प्रहरीले उनलाई २१ वर्षदेखि खोज्दै आएको थियो ।
चरेश बरामद भएलगत्तै प्रहरीले उनीविरुद्ध मुद्दा दायर गरेको थियो । तर उनी फरार रहेको भन्दै जिल्ला अदालत काठमाडौंले मुद्दा तामेलीमा राखेको थियो । २०६८ सालमा मुद्दाको पुनः सुनुवाई गर्दै जिल्ला अदालतले उनको नाममा पक्राउ आदेश जारी गरेको थियो । उनी त्यसयता फरार अभियुक्तको सूचीमा थिए ।
