०२ असार २०८३, मंगलबार
काठमाडौं,२५ माघ– ‘नेपाल बन्छ, जब नेपालमै बन्छ’ नामक अभियानका साथ ‘मन्त्रः च्यान्टिङ अफ टेक्नोलोजी’को तेस्रो कार्यक्रम पोखरामा हुने भएको छ । इनोभेटिभ घर नेपाल र युजआर्ट नेपालको संयुक्त आयोजनामामाघ २६ देखि फागुन २ गतेसम्म पोखरा सभागृहमा हुने छ ।
‘मन्त्रः च्यान्टिङ अफ टेक्नोलोजी’को तेस्रो संस्करणमा पर्यावरणलाई व्यवस्थित र सन्तुलित राख्न निर्माण गरिएको नमूना रोबोटिक उपकरणहरुको प्रदर्शनी हुने जनाइएको छ । कार्यक्रममा नाटक र सांगीतिक प्रस्तुति रहने इनोभेटिभ घर नेपालका अध्यक्ष विक्रान्त कार्कीले जानकारी दिए ।
डिजिटल उत्पादन, इन्टरनेट सम्बन्धी सामग्रीहरु (आईओटी), कृत्रिम बौद्धिकता (एआई) र रोबोटीक कला जस्ता प्राविधिक विकास नेपालमै सम्भव रहेको भन्ने सन्देश दिन नमूना र उदाहरणहरु कार्यक्रममा प्रदर्शनी र कलामार्फत पेश प्रस्तुत गरीने कार्मीको भनाइ छ । यस्तै ताल तलैयाहरु अनावश्यक झारपात र अन्य फोहोरहरुबाट दूषित बन्दै संकटग्रस्त रहेको अवस्थामा निर्माण गरिएको ताल सफा गर्ने ‘रोबोटिक लेक स्वीपर’ को नमूना उपकरण प्रदर्शनी हुनेछ । खोज–अनुसन्धानमूलक अन्य विभिन्न २० भन्दा बढी उपकरणहरुको अवधारणा, प्रदर्शनी तथा परिक्षण ‘मन्त्र’ मा रहनेछन् ।
कार्यक्रमलाई १० हजारभन्दा बढी मानिसहरु अवलोकन, निरीक्षण गर्न आउने अनुमान गरिएको छ ।
