२२ जेठ २०८३, शुक्रबार
काठमाडौं, २२ फागनु– उपचारकाक्रममा स्वास्थ्य संस्थाले मनोमानी शुल्क लिनेक्रम बढेपछि स्वास्थ्य मन्त्रालयले अस्पताल, मेडिकल कलेज एवं नर्सिङ होमलाई सात दिनभित्र सेवाशुल्कको सूची सार्वजनिक गर्न निर्देशन दिएको छ ।
मन्त्रालयले स्वास्थ्योपचारमा लाग्ने शुल्क अनिर्वाय रुपमा सार्वजनिक गर्न निर्देशन दिँदै सरकारी तथा निजी अस्पताललाई सेवाग्राहीसँग लिने गरेको शुल्कसहितको विवरण बुझाउन सोमबार पत्राचार गरेको हो ।
आधा दर्जन सरकारी अस्पतालसहित सहकारी र निजी अस्पताललाई पनि पत्राचार गरेको स्वास्थ्य मन्त्रालय चिकित्सा महाशाखा प्रमुख एवं शुल्क निर्धारण कार्यादलका संयोजक डा. भोलाराम श्रेष्ठले बताए, अन्नपूर्ण पोस्टमा खबर छ ।
