१९ असार २०८३, शुक्रबार
काठमाडौं, २२ फागुन- संघीय समाजवादी फोरम नेपाल केपी शर्मा ओली नेतृत्वको वर्तमान सरकारमा सहभागी हुने भएको छ ।
मंगलबार बसेको पार्टी पदाधिकारी बैठकले सरकारमा सहभागी हुने निर्णय गरेको हो ।
अब एमाले-माओवादीसँग बसेर मन्त्रालय टुंगिएपछि सरकारमा जाने नेताहरूको नाम तय गर्ने निर्णय भएको सहअध्यक्ष राजेन्द्र श्रेष्ठले जानकारी दिए ।
'सरकारमा सहभागी हुने निर्णय गरेका छौँ, मन्त्रालयको विषयमा टुंगो लागेपछि सरकारमा सहभागी हुने नेताहरूको नाम टुंगो लगाउँछौं,' सहअध्यक्ष श्रेष्ठले लोकान्तरसँग भने ।
फोरम पार्टी अध्यक्ष उपेन्द्र यादवकै नेतृत्वमा सरकारमा सहभागी हुने सम्भावना छ । उपेन्द्रले परराष्ट्र मन्त्रालय पाउने सम्भावना प्रवल रहेको स्रोतले बतायो ।
