०७ साउन २०८३, बिहीबार
काठमाडौं २२ फागुन–राष्ट्रिय जनता पार्टी (राजपा)ले संसदमा विपक्षी बेञ्चको अघिल्लो पक्तिमा सीट पाएको छ । प्रमुख प्रतिपक्षी दल नेपाली कांगेस र संघीय समाजवादी फोरमको बीचमा राजपाले स्थान पाएको हो ।
सांसदहरुको शथप को दिन अघिल्लो बेञ्चमा सीट नपाएको भन्दै राजपा सांसदहरुले विरोध जनाएका थिए । विपक्षी बेञ्चमा कांग्रेस र फोरमले सीट ओगटेपछि राजपाका सांसदहरु पछिल्लो बेञ्चमा गएका थिए ।
शपथको दिन विपक्षी बेञ्चको अघिल्लो पक्तिमा कांग्रेसका तीन र फोरमका दुई सांसद बसेका थिए ।
मंगलवारको प्रतिनिधिसभा बैठकमा भने कांग्रेस, फोरम र राजपा एउटै बेञ्चमा बसेका हुन् । यसअघि फोरमका सहअध्यक्ष राजेन्द्र श्रेष्ठ बसेको सीटमा मंगलवार राजपाका राजेन्द्र महतो बसेका थिए ।
फोरम सरकारमा सहभागि भएमा विपक्षी बेञ्चको अघिल्लो पंक्तिमा कांग्रेसका तीन र राजपाका दुई सांसद बस्नेछन् ।
संसदको बैठक कक्षका दायाँ र बाँया छेउका दुईवटा रो यसपटक खाली गरिएको छ । एउटामा विशिष्ट व्यक्ति र अर्कोमा पत्रकारलाई राख्ने सचिवालयको तयारी छ ।
