काठमाडौँ, २४ फागुन - केही दिनदेखि अस्वस्थ हुनुभएका राष्ट्रकवि माधवप्रसाद घिमिरेको स्वास्थ्यमा सुधार हुँदै गएको छ । 

छातीमा सामान्य समस्या देखिएपछि केही दिनअघि ललितपुरको भैंँसेपाटीस्थित मेडिसिटी अस्पतालमा भर्ना भएका  ९९ वर्षीय राष्ट्रकविलाई तीन दिनपछि काठमाडौँ लैनचौरस्थित घरमा ल्याइएको छ । 
अहिले उनी  घरमै आराम गरिरहेको र स्वास्थ्यमा सुधार हुँदै गएको  नातिनी महिमाले  जानकारी दिइन् ।