०९ असार २०८३, मंगलबार
काठमाण्डौ,२५ फागुन– प्रधानमन्त्री केपीशर्मा ओलीले देश र जनताको अहित हुने कुनै पनि काम नगर्ने बताएका छन् ।
देशभक्त जन गणतान्त्रिक मोर्चाको ज्ञापनपत्र बुझ्दै प्रधानमन्त्री ओलीले अहिले जनपक्षीय, देशभक्त र लोकतान्त्रिक सरकार भएकोले यसले सबै जनतालाई अवसर र सुरक्षाको प्रत्याभुती गराउने बताए । ‘सरकारले सम्मानित जीवन ज्यून
पाउने अवस्था सबै नागरिकलाई उपलब्ध गराउछ,’ प्रधानमन्त्री ओलीले भने, ‘भौगोलिक अखण्डता र राष्ट्रियताको रक्षा सरकारका प्राथमिकता हुन् ।’
सामाजिक विद्वेश भड्काउने, घृणाको खेती गर्ने, द्वन्द्व मच्चाउन तत्वहरुसँग सजग हुनु पर्ने प्रधानमन्त्री ओलीले धारणा राखे । ‘नेपाल कसैको खेल मैदान होइन,’ ओलील्े भने, ‘अब यहाँ सद्ध्भावमा आधारित लोकतन्त्र स्थापित हुन्छ ।’
प्रधानमन्त्रीओलीले यसपालीको निर्वाचनमा जनताले स्थीरता र स्थायीत्वका लागि मतदान गरेको बताउँदै जनमतको कदर गर्न आफू सचेत रहेको बताए । ज्ञापन पत्र लिएर आएको सीपी गजुरेल नेतृत्वको देशभक्त जनगणतान्त्रिक
मोर्चाको टीमलाई लक्षित गर्दै प्रधानमन्त्री ओलीले भने, ‘केही वर्ष पछि यस्ता ज्ञापनपत्र लिएर हिड्नु पर्ने दिन अन्त्य हुन्छन् ।’
