०९ साउन २०८३, शनिबार
काठमाडौं २७ फागुन– प्रधानमन्त्री केपी शर्मा ओलीले सरकारले राष्ट्रिय गौरव र स्वाभिमानलाई माथि उठाउने गरी काम गर्ने प्रतिबद्धता जनाएका छन् ।
प्रतिनिधि सभाको पहिलो बैठकलाई आइतवार सम्वोधनगर्दै प्रधानमन्त्री ओलीले चुनावको समयमा जनतासामु गरिएका प्रतिबद्धता कार्यान्वयनमा कुनै तलमाथि नगर्ने बताएका हुन् ।
‘हामी राष्ट्रियतालाई सवल बनाउन चाहान्छौ । सार्वभौम सत्ता, स्वाधिनता र राष्ट्रिय गौरव र स्वाभिमानलाई माथि उठाउने गरी काम गछौं’ ओलीले भने ।
प्रधानमन्त्री बनेपछिको पहिलो संसद सम्वोधनका क्रममा ओलीले चुनावमा गरेका प्रतिबद्धता कार्यान्वयनमा कुनै तलमाथि नहुने बताए ।
चुनावको समयमा पक्ष विपक्षमा तर्क वितर्क भएपनि देश र जनताका निम्ति बलिदानीपूर्ण संघर्ष गरेका दलहरु मिलेर अगाडि बढ्ने बताए ।
प्रधानमन्त्री ओलीले आइतवार विश्वासको मत लिने छन् ।
