काठमाडौं, २९ फागुन– इङ्लिस प्रिमियर लिग फुटबलअन्तर्गत भएको खेलमा स्टोक सिटीलाई हराउँदै म्यान्चेस्टर सिटीले उपाधि जित्ने संभावना बलियो पारेको छ । जितसँगै म्यान्चेस्टर सिटीले तालिकाको दोस्रो स्थानको म्यान्चेस्टर युनाईटेडसँगको अंक दुरी बढाएर १६ अंक पुर्याएको छ ।

स्टोक सिटीको मैदानमा भएको खेलमा म्यान्चेस्टर सिटी २–० ले विजयी भयो । खेलमा पाहुना टोलीलाई विजयी गराउन दुवै गोल डेभिड सिल्भाले गरे । ३० खेलबाट ८१ अंक जोडेको म्यान्चेस्टर सिटी शीर्ष स्थानमा कायमै छ । 

समान खेलबाट ६५ अंक जोडेको म्यानचेस्टर युनाईटेड दोस्रो स्थानमा छ । तेस्रो स्थानको टोटनह्याम हट्सपरको ६१ अंक छ भने ६० अंकको साथ लिभरपुल चौथो तथा ५६ अंकसहित चेल्सी पाँचौ स्थानमा सेमटिएको छ ।