०३ असार २०८३, बुधबार
काडमाडौं ९ चैत– संघीय समाजवादी फोरमका केन्द्रीय सचिव अजम्बर काङमाङ राई माओवादी केन्द्र प्रवेश गर्ने भएका छन् ।
पार्टी केन्द्रीय कार्यालय कोटेश्वरमा कार्यक्रम आयोजना गर्दै राईलाई माओवादीले आफ्नो पार्टीमा प्रवेश गराउन लागेको हो ।
संघीय समाजवादी पार्टी खोल्नुअघि काङमाङ एमालेका केन्द्रीय कमिटि सदस्य थिए ।
नेकपा एमालेको युवा संघको अध्यक्ष रहेका उनी अशोक राईसंगै संघीय समाजवादी पार्टी गठनमा सहभागि भएका थिए ।
सो पार्टीपछि फोरमसंग मिलेको थियो । मंसिर २१ गते सम्पन्न प्रदेशसभा चुनावमा उनी एमालेका राजेन्द्र राइसँग पराजित भएका थिए । भोजपुरको प्रदेश सभा ‘क’ का उम्मेदवार रहेको काङमाङ एमालेका उम्मेदवार राजेन्द्र राईसँग पराजित भए । यी दुवै कुनै समयका राजनीतिक सहयोद्धा समेत थिए ।
