काठमाडौं, १० चैत–अख्तियार दुरुपयोग अनुसन्धान आयोगले सातवटै प्रदेशमा नयाँ कार्यालय स्थापना गर्ने भएको छ । यसअघिका क्षेत्रीय रूपमा खोलिएका कार्यालयलाई संघीय संरचनाअनुसार सातवटै प्रदेशमा नयाँ कार्यालय खोलिन थालिएको आयोगका प्रवक्ता दीर्घराज मैनालीले जानकारी गराए । 

संघीय संरचनाअनुसार आयोगको संरचना पनि विस्तार गर्न प्रदेशस्तरमा नयाँ कार्यालय व्यवस्थापन गर्न थालिएको उनको भनाइ छ । उनका अनुसार प्रदेश १ को इटहरी, २ को बर्दिवास, ३को हेटौँडा, ४ को पोखरा, ५ को बुटवल वा कोहलपुर, कर्णालीको सुर्खेत र प्रदेश नम्बर ७ को महेन्द्रनगर, धनगढी वा दिपायलमध्ये एक ठाउँमा राख्ने तयारी भइरहेको छ ।

ती कार्यालयको संरचना र आवश्यक कर्मचारीका लागि अख्तियारले संगठन तथा व्यवस्थापन सर्वेक्षण गरिरहेको छ । आयोगले ०७० सालमा भ्रष्टाचार ढिलासुस्ती नियन्त्रणका लागि पाँचवटै विकास क्षेत्रमा कार्यालय स्थापना गरेको थियो ।, नयाँ पत्रिकामा खबर छ।