०४ असार २०८३, बिहीबार
काठमाडौं, १० चैत– स्पेनको सर्वोच्च अदालतले क्षेत्रीय राष्ट्रपतिका उम्मेदवारसहित पाँचजना क्याटलन पृथकतावादी नेतालाई हिरासतमा लिएको छ । पाँचजना पृथकतावादी नेताहरू सुनुवाइ पूरा नभइ भाग्न सक्ने जोखिम रहेको अदालतले जनाएको छ ।
अन्य आठजनासहित ती नेताहरूमाथि स्वतन्त्रता अभियानमा संलग्न रहेको आरोप लगाइएको छ । स्पेनी सर्वोच्च अदालतको आदेशपछि शुक्रवार राति मध्य बार्सिलोनामा प्रहरी र प्रदर्शनकारीबीच झडप भएको छ ।
उनीविरूद्धको युरोपेली पक्राउ आदेशलाई फेरि सक्रिय तुल्याइएको छ भने स्वघोषित निर्वासनमा रहेका पाँचजनाविरूद्ध पक्राउ आदेश जारी गरिएको छ । क्याटलन संसद्का सभामुखले पक्राउ गरिएका नेताहरूको समर्थनमा संसद्को बैठकमा वक्तव्य पढिने बताएका छन् ।
अदालतको आदेशले क्याटलन पृथकतावादीहरूबाट आक्रोशपूर्ण प्रतिक्रिया निम्त्याएको छ र हजारौँ प्रदर्शनकारी सडकमा उत्रिएका छन् । आरोपितमध्येका एक नेता तथा बर्खास्त गरिएका पूर्व क्याटलन सरकार प्रमुख कारलस पुज्डमोनले स्पेनलाई लोकतन्त्रविरोधी र युरोपका लागि लज्जाको विषय भनेका छन् ।
